NJOFTIM PËR VEND TË LIRË PUNE
Në zbatim të Kodit të Punës së Republikës së Shqipërisë, të Vendimit nr. 4, datë 22.07.2021 të Keshillit Mbikëqyrës “Për miratimin e strukturës organizative të Korporatës së Investimeve Shqiptare”, si dhe në “Rregulloren e Brendshme të Korporatës së Investimeve Shqiptare (AIC)”, Korporata e Investimeve Shqiptare sh.a, shpall konkurimin për një vend të lirë pune në pozicionin:
Asistent/e i/e Drejtorit Ekzekutiv
Përshkrimi i detyrave që kryen asistent/e i Drejtorit Ekzekutiv të Korporatës së Investimeve Shqiptare sh.a.
- Ndihmon Drejtorin Ekzekutiv në realizimin e punëve, duke u kujdesur për korrespondencën dhe takimet e tij.
- Organizon dhe menaxhon çdo ditë veprimtarinë administrative të zyrës së Drejtorit Ekzekutiv.
- Bashkërendon komunikimin në zyrën e Drejtorit Ekzekutiv.
- Merr në dorëzim dhe regjistron korrespondencën për zyrën e Drejtorit Ekzekutiv.
- Shpërndan korrespondencën në emër dhe për llogari të Drejtorit Ekzekutiv dhe kujdeset për afatet e mbarëvajtjes së saj.
- Përgatit korrespondencën/shkresa bazuar në porositë e Drejtorit Ekzekutiv.
- Kujdeset për mirëmbajtjen dhe ruajtjen e konfidencialitetit të korrespondencës së Drejtorit Ekzekutiv.
- Përgatit dhe kujdeset për axhendën ditore të Drejtorit Ekzekutiv përfshirë mbledhjet, takimet në zyrë dhe jashtë saj, etj.
- Pret dhe shoqëron vizitorët në zyrën e Drejtorit Ekzekutiv.
- Organizon dhe kujdeset për sistemimin e dokumentacionit të Drejtorit Ekzekuiv.
- Administron komunikimin telefonik dhe elektronik të Drejtorit Ekzekutiv.
Asistent/e e Drejtorit Ekzekutiv është nën varësinë direkte të Drejtorit Ekzekutiv.
Për realizimin e detyrave dhe përgjegjësive të tij/saj, asistent/e i/e Drejtorit Ekzekutiv bashkëpunon me drejtuesit dhe strukturat e AIC.
Kandidati duhet të plotësojë kërkesat si më poshtë:
- Të zotërojë diplomë Bachelor dhe Master i shkencave ose Master profesional në shkenca juridike/shkenca sociale/shkenca komunikimi ose në fusha të ngjashme.
- Të kenë njohuri shumë të mira të gjuhës angleze;
- Të kenë përvojë pune në sektorin publik ose privat.
- Të zotërojë metodat e reja të informacionit dhe të ketë aftësi të shumë të mira të njohjes e përdorimit të PC në programet baze të tij;
- Të ketë aftësi shume te mira komunikimi dhe të punës në grup.
Dokumentacioni, mënyra dhe afati i dorëzimit:
Kandidatët duhet të paraqesin në Korporatën e Investimeve Shqiptare në adresën: Rruga Ibrahim Rugova, Sky Tower, kati 7/1, Tiranë, ose nëpërmjet postës elektronike në adresën: [email protected], këto dokumente:
- Kërkesë me shkrim – shprehje interesi;
- Jetëshkrim profesional (CV), përfshirë të dhënat e kontaktit, adresën elektronike dhe adresën postare.
- Fotokopje e diplomës (përfshirë edhe diplomën Bachelor në rastin e diplomës master).
- Fotokopje e kartës së identitetit (ID).
Afati përfundimtar për dorëzimin e aplikimeve është data 03.11.2023.