NJOFTIM PËR VENDE TË LIRA PUNE
Në zbatim të Kodit të Punës së Republikës së Shqipërisë, të Vendimit nr. 24, datë 20.12.2023 të Keshillit Mbikëqyrës “Për miratimin e strukturës organizative të Korporatës së Investimeve Shqiptare”, si dhe në “Rregulloren e Brendshme të Korporatës së Investimeve Shqiptare (AIC)”, Korporata e Investimeve Shqiptare sh.a, shpall konkurimin për dy vende të lira pune me kohë të plotë, si më poshtë:
- Analist Financiar në Divizionin e Operacioneve (COO)
- Inxhinier në Divizionin e Operacioneve (COO)
Përshkrimi i përgjithshëm i punës (Analist Financiar)
- Bashkëpunon me divizionet e tjera te AIC për të zhvilluar dhe mbajtur modele financiare për buxhetimin, parashikimin dhe planifikimin e nevojave të Divizionit.
- Mbledh, analizon dhe interpreton të dhënat financiare dhe operacionale të projekteve.
- Punon ngushtësisht me Drejtorin e Divizionit për të vlerësuar dhe permirëuar efikasitetin operacional.
- Kryen analiza financiare/operacionale të projekteve.
- Ndihmon në vlerësimin e investimeve të mundshme dhe iniciativave të tjera operacionale.
- Vlerëson ndikimin financiar të operacioneve dhe nismave të ndryshme të Divizionit.
- Kryen detyra të tjera në funksion të Korporatës së Investimeve Shqiptare.
Kandidati duhet të plotësojë kërkesat si më poshtë:
- Të zotërojnë diplomë të avancuar universitare (Master ose diplomë ekuivalente) ne ekonomi, financë, ose nje fushe te ngjashme
- Të kenë 3 ose me shume vite përvojë pune në profesion, mundesisht ne industrine e sherbimeve financiare ose investimeve.
- Kandidati duhet të ketë përvojë në pozicione në sektorin publik ose privat.
- Eksperiencë te mire në buxhetim, parashikim dhe raportim financiar.
- Aftësi për të përcjellë informacion kompleks financiar në mënyrë të qartë dhe koncize.
Përshkrimi i përgjithshëm i punës (Inxhinier)
- Konsolidimi i pronës.
- Monitorimi i zbatimit të projekteve, për të garantuar efikasitetin e operacioneve të ndërmarra nga divizioni.
- Kryerja e inspektimeve periodike dhe vlerësimeve teknike të projekteve, për të identifikuar problemet dhe për të identifikuar nevojat për përmirësime.
- Përdorimi i teknologjive të reja dhe ndjekja e zhvillimeve në fushën inxhinierike, për të siguruar një infrastrukturë të avancuar dhe efikase gjate veprimtarisë së Divizionit.
- Përgatitja e raporteve të progresit të projekteve dhe prezantimi i rezultateve për menaxhimin dhe palët e tjera të interesuara.
- Kryen detyra të tjera në funksion të Korporatës së Investimeve Shqiptare.
Kandidati duhet të plotësojë kërkesat si më poshtë:
- Të zotërojnë diplomë të avancuar universitare (Master ose diplomë ekuivalente) ne inxhinieri ose nje fushe te ngjashme
- Të kenë 3 ose me shume vite përvojë pune në profesion.
- Aftësi teknike ne perdorimin e mjeteve dhe programeve te modelimit si p.sh dizenjim dhe perpunim i modeleve 2D/3D, AutoCad, ArcGIS etj.
- Kandidati duhet të ketë përvojë në pozicione në sektorin publik ose privat.
Dokumentacioni, mënyra dhe afati i dorëzimit:
Kandidatët duhet të paraqesin në Korporatën e Investimeve Shqiptare në adresën: Rruga Ibrahim Rugova, Sky Tower, kati 7/1, Tiranë, ose nëpërmjet postës elektronike në adresën: [email protected], këto dokumente:
- Kërkesë me shkrim – shprehje interesi për pozicionin e punës që kandidon;
- Jetëshkrim profesional (CV), përfshirë të dhënat e kontaktit, adresën elektronike dhe adresën postare.
Afati përfundimtar për dorëzimin e aplikimeve është data 24.01.2024.