E drejta e informimit garantohet me ligjin nr. 119/2014 për “Të drejtën e informimit”
Çdo person gëzon të drejtën e informimit publik, pa u detyruar të shpjegojë motivet.

• Kërkesa për informacion bëhet me shkrim dhe dërgohet dorazi, me postë ose me Email duke paraqitur saktë identitetin e kërkuesit.  
• Autoriteti është i detyruar të informojë kërkuesin nëse ka ose jo në zotërim informacionin e kërkuar.
• Çdo person ka të drejtë të njihet me informacion publik nëpërmjet dokumentit origjinal ose duke marrë një kopje të tij në formën ose formatin që mundëson akses të plotë në përmbajtjen e dokumentit.

Informacioni publik që i është dhënë një personi nuk mund t’i refuzohet asnjë personi tjetër që e kërkon atë, me përjashtim të rastit kur informacioni përmban të dhëna personale në përshtatje me kufizimet ligjore.

Regjistri i kërkesave dhe përgjigjeve

• AIC krijon, mban dhe bën publik një regjistër të posaçëm, ku pasqyrohen të gjitha kërkesat për informim dhe informacionet e dhëna në përgjigje të tyre.
• Ky regjistër përditësohet çdo 3 (tre) muaj dhe publikohet në faqen e internetit të autoritetit publik, si dhe në mjediset e pritjes së publikut në zyrat e autoritetit publik. Identiteti i kërkuesve të informacionit nuk pasqyrohet në regjistër.

Kompetencat e koordinatorit për të drejtën e informimit

1. Në zbatim të ligjit për të drejtën e informimit, me qëllim bashkërendimin e punës për garantimin e së drejtës së informimit, Divizioni Ligjor cakton një prej punonjësve si koordinator për të drejtën e informimit.
2. Koordinatori për të drejtën e informimit ushtron kompetencat e mëposhtme:

• I mundëson çdo kërkuesi të drejtën për t’u njohur me informacionin publik, sipas këtij ligji, duke u konsultuar me dokumentin origjinal ose kopje të tij.
• Krijon, mban, publikon dhe përditëson regjistrin e kërkesave dhe përgjigjeve brenda afatit të parashikuar.
• Bashkërendon punën për plotësimin e kërkesave për informacione brenda afateve dhe sipas mënyrës së parashikuar në këtë ligj.
• Regjistron kërkesat për informacion dhe cakton një numër rendor për secilën prej tyre.
• Dërgon kërkesën për informacion të një autoriteti tjetër publik, brenda afateve të parashikuara në këtë ligj. Kur rezulton se autoriteti publik ku është depozituar kërkesa nuk e zotëron informacionin e kërkuar.
• Kryen njoftime paraprake, si dhe komunikon me kërkuesin, sipas nevojës për trajtimin e kërkesës për informacion publik.

Njohja me informacionin publik, kërkesa për informacion

1. Kërkesa për informacion bëhet me shkrim dhe dërgohet dorazi, me postë ose me postë elektronike. Në çdo rast kërkesa regjistrohet në regjistrin e kërkesave dhe përgjigjeve dhe për të caktohet një numër rendor.
2. Kërkesa për informacion duhet të përmbajë:

• Emër, mbiemër
• Adresën
• Përshkrimin e informacionit që kërkohet

Afati për marrjen e informacionit

1. AIC trajton kërkesën për informacion, duke parashtruar informacionin e kërkuar sa më shpejt të jetë e mundur, por jo më vonë se 10 (dhjetë) ditë pune nga dita e dorëzimit të saj, përveç rasteve kur ligji i posaçëm parashikon ndryshe.

2. Kur AIC ia dërgon atë një autoriteti tjetër, kthim përgjigja duhet të ndodhë jo më vonë se 15 (pesëmbëdhjetë) ditë pune nga dita e mbërritjes së kërkesës.

3. Afati i parashikuar mund të zgjatet me jo më shumë se 5 (pesë) ditë pune për një nga shkaqet e mëposhtme:

• Nevoja për të kërkuar dhe shqyrtuar dokumente të shumta voluminoze;
• Nevoja për t’u konsultuar me autoritete të tjera publike përpara marrjes së një vendimi për plotësimin ose jo të kërkesës. Vendimi për zgjatjen e afatit i njoftohet menjëherë kërkuesit.

4. Në çdo rast, mostrajtimi i kërkesës për informim brenda afateve të sipërpërmendura do të konsiderohet refuzim.

5. Çdo person kur çmon se i janë shkelur të drejtat e parashikuara nga ky ligj, ka të drejtë të ankohet në rrugë administrative pranë zyrës së Komisionerit për të Drejtën e Informimit dhe Mbrojtjes së të Dhënave Personale.

Formular Ankese për të Drejtën e Informimit

Shkarko formularin në linkun e mëposhtëm:

Formular Ankese